Secret_lang_ha:recommended.c

@regikottaticritictic (do not attempt to unlock. Fatal!!)

Imahinasyon.

Bakit siya makapangyarihan?

Hindi naman ako nasobrahan sa panunuod ng The Secret. Anim na taon na ang nakalilipas. Hindi ko malimutan noon kung paano nila pinaglaruan ang isipan ko sa pagsasabi na ang lahat ng bagay ay posible basta isipin mo. Para sa medyo paniwalaing bata ang mga napapanuod niya ay sobrang nakakaapekto sa kanya. Kagaya na lang ng pangarap niya na magkaroon ng special powers tulad na lang ng pagiging invisible-para na rin hindi siya kita habang binobosohan ang crush niya (hindi ako yan!!).

Napatunayang naging makakalimutin nang malimutan ang isang element sa periodic table(kunwari geek ako). Nagkunwari akong matalino, nag-share ng mga bagay na wala namang basehan kundi ang isang salitang-faith.Oo, pananalig. Bilib ako sa nakaimbento ng salitang yan, kasi nagawa niyang lusutan yung mga tanong ng mga nagkukunwaring matalino tungkol sa mga bagay na ni-isa sa ating nabubuhay sa kasalukuyan ay walang nakakaalam. Nagawa niyang bigyan ng dahilan ang tao na maniwala sa mga bagay na hindi nakikita(isa na ako dyan). Paano kung wala yang salitang yan? Diyan na lalabas ang paggamit ng imahinasyon.

Kunwari gabi at wala kang ibang kasama pwera sa multong nakiki-sneak sa inyong bahay.

Patayin mo na rin muna yung cute mong aso para walang maingay.

Kumuha ka ng isang box, kahit saan kahit sa imahinasyon mo lang, basta yung box na kaya mong pasukan at kaya kang ikulong sa loob.

Lagyan ito ng pangalan sa labas, siguraduhing buo pati middle name para walang labuan.

Isama mo yung box papuntang kwarto.

Patayin mo yung ilaw at magkulong sa box.

Ingatan mo ang sarili sa pagpasok at huwag akong sisihin kapag natumba ka.

Sa loob ng box mag-isip ng nakakalungkot na pangyayari (kagaya ng pagkamatay ng cute mong aso).

Mag-isip hanggang napapaiyak na.

I-play mo na rin ang kiss the rain ni yiruma para touchy talaga.

Isulat lahat ng mga bagay na ginagawa mong sa tingin mo ay mali.

Kagaya ng pangangarap na maging invisible para mabosohan ang crush mo.

Kung wala kang naisulat, nagsisinungaling ka. O talagang wala kang konsensya. O malakas na ang imahinasyon mong mag-isip na hindi ka kailan man nakagawa ng pagkakamali.

Umiyak ka kung kinakailangan sa pagsisisi sa mga ginagawa mo.

Lumabas ka sa box (pawisan ka dapat para makakatotohanan).

Magpunas ng luha kung tunay kang nagsisi.

Sunugin ang box kasama ng mga marurumi mong imahinasyon. Isama mo na din itong walang kwenta kong mga suhestyon.

Tanggapin si Hesus bilang iyong lord and savior.

HIndi kita pinipilit hinihikayat lang kita, kung ayaw ay isipin kung sino ang lumikha ng pinakamaliit na bagay na pinagmulan ng buhay.

Ang pagtanggap sa kanya ay ang pagtanggap sa lumikha nito.

Kung atheist ka, wala tayong dapat pagtalunan
Igalang na lang natin ang sari-sariling pinaniniwalaan.
Nagmumukha na ba akong nagsesermon?

Kung gayon ay kumawala na sa dimensyong ako ang lumikha.

Kanina habang naliligo ako naisip kong paano kung biglang mawalan ng tubig habang may sabon pa ako sa ulo. Naisip ko yun kaya nagmadali akong magbanlaw. Hindi ko pa nababanlawan yung pangalwa kong ulo nang mawalan ng tubig ang shower. Binuksan ko ang gripo at doon ko na siya binanlawan. Ilang segundo pa nang nawala nang tuluyan ang tubig. Kawawa naman yung nasa isang cubicle na masayang kumakanta habang nagsasabon ng kanyang mukha (dapat pala nagpaturo ako kung paano kumanta habang nagsasabon ng mukha, sayang!).

Minsan nagkakatotoo din pala yung mga iniisip mo, tama ba yung the secret?

Paalala:

“HUWAG MAG-ISIP NANG MASAMA, NAKABUBULAG!”