Huwad na Pilantropo

Gaano kasakit yun?

Minsan, sinagot ko ang ganyang klase ng tanong at napahiya ako nang malamang rhetorical pala yun.  

Ginawa yung tanong para daw tumahimik ka muna at mag-isip ng bagong topic.

Kaya kung tanungin ka bigla, huwag ka basta-basta sasagot (lalo na kung chick(s) ka!). Huwag basta OO at huwag laging ipakita ang kabobohan sa pagsagot parati ng EWAN, HINDI KO ALAM.

” KATAHIMIKAN!!!” Ayan na! Isinisigaw ko na ang dapat mong isagot sa ganyang tanong. At tandaan mo na ang katahimikan ay maraming kahulugan, hindi basta OO at hindi basta tahimik ka na lang kasi yung tanong  hindi mo naintindihan, hindi din nangangahulugan na hindi ka pa nag-toothbrush kaya tahimik ka na lang.

Sabi nga ng isang malalim na propesor kong  sinigawan ako nang sabihing thiry-three! at hindi terti-tri!, ang katahimikan daw ay binuntis ng maraming kahulugan at kahit malabong mangyari, marami din  daw ang kalalabsan, marami daw ang sanggol na lalabas sa isang malalim na irihan.

Matagal-tagal na pala nang huling makinig sa kanta nila. Matagal-tagal na din nang gahasain ang replay button para lamang ang mga linya ay makabisa. Hindi kagaya ko, natural lang ang linya nila, walang pinilit. Hindi din pinilit maging natural, natural lang talaga. Nangyari daw sa totoong buhay yung mga ginawa nilang kanta, ligawan, love-story,at break-up pwera sa suicide. Hindi daw talaga nangyari yung suicide ni Buloy. Nasa video pa nga daw sya ng kanta. Pero pinasinungalingan ito ni Buloy nang totohanin ang pagpapakamatay matapos ilabas ang kanta. Ganoon ba ang pagpapahalaga ni Buloy sa pagpapanatili ng makakatotohanang linya ng banda kaya ganun ang ginawa niya?

Buloy, hindi ko alam kung totoo, pero kung totoo nga,totoo talaga to walang kasinungalingan. Bakit mo daw ba tinotoo ang pagpapakamatay? Napansin mo daw bang galit na ang banda sayo nang ilagay nila sa lyrics na ikay nagpakamatay na?

Ang tanong ko ay rhetorical, Buloy!, RHETORICAL! Hindi ko kailangan ang kasagutan mo Buloy. Tahimik ka lang dyan. Ayokong malaglag bigla sa upuan ko kapag narinig ko ang boses mo.

Magsusulat ako ng isang kwento tungkol kay [enter your name here],. Huwag na pala, pwede namang Mechra na lang yung gawin kong pangalan. Isipin mo munang hindi ikaw  si Mechra , dahil ang pagtatapos ng kabanata ay ang pagtatapos din ng buhay ni Mechra. Si Mechra nga pala ay isang hokage na ibinuwis ang kanyang buhay para sa kanyang nasasakupan. Huwag mo ding baligtarin ang salitang Mechra! Huwag na huwag! Baka kasi maisip mong kakilala mo si Mechra, huwag mo ding iisiping si Mechra ay ang binaligtad mong pangalan.

Ayaw kong maging totoo ang kwento ng isang hokageng nagpakamatay para sa kanyang bayan, baka ako pa ang mauna.

Huwag naman sana.